Gweithgareddau

Penderfynodd Min a Mei roi enw Oslo ar y ci lloches.

Gair sy’n disgrifio rhywbeth ydy ansoddair. Er enghraifft, llyfr gwyrdd

Cymhariaeth/cyffelybiaeth ydy cymharu rhywbeth gyda rhywbeth arall. Er enghraifft, gwyn fel eira.

Edrychwch ar dudalen 2.

Allwch chi ddod o hyd i ansoddeiriau a chyffelybiaethau?

Ysgrifennwch yr ansoddeiriau a’r cyffelybiaethau yn yr amlinelliad o Oslo.

Meddyliwch am fwy o ansoddeiriau a chyffelybiaethau.

Edrychwch ar y lluniau o Oslo yn y llyfr i’ch helpu (Tudalennau 2, 3, 4, 5, 22 a 23).

Llenwch yr amlinelliad o Olso gydag ansoddeiriau a chymariaethau.

Defnyddiwch yr ansoddeiriau a chyffelybiaethau yn yr amlinelliad i ysgrifennu brawddegau i ddisgrifio Oslo.

Er enghraifft:
Ci blewog oedd Oslo.
Edrychai Oslo fel blaidd.

Cliciwch yma i lawrlwytho copi: Dewch i deithio - Norwy - Oslo

Edrychwch ar dudalen 13.

Allwch chi ddod o hyd i’r fwydlen? Beth sydd ar y fwydlen? Beth ydy pris….?

Cyn gadael y bwyty talodd Mei am y bwyd gydag arian a chafodd newid.

Dewiswch fwyd i chi eich hun o’r fwydlen isod. Beth oedd cyfanswm eich bwyd?

Bwydlen
Sudd oren = 15c
Ysgytlaeth = 15c
Dŵr = 10c
Brechdan = 20c
Creision = 10c
Cacen lemwn = 15c
Cacen siocled = 15c

Pa ddarnau o arian allwch chi ddefnyddio i brynu….?

Edrychwch ar y fwydlen:

Dewiswch ddiod a rhywbeth i’w fwyta i chi eich hun. Beth oedd cyfanswm y bwyd?

• Fy newis i:
• Cyfanswm y bwyd:

Dewiswch ddiod a rhywbeth i’w fwyta i chi a’ch ffrind. Beth oedd cyfanswm y bwyd?

• Cyfanswm y bwyd:

Faint o newid byddwch yn ei gael….?

Edrychwch ar dudalen 6. Mae tai lliwgar iawn yn Norwy.

Mae tai lliwgar iawn yn Aberaeron yng Nghymru.

Edrychwch ar luniau Rhiannon Roberts, arlunwraig o Gymru.
https://www.rhiannonart.co.uk

Tynnwch luniau rhai o’r tai yn Norwy ac yn Aberaeron. Cofiwch eu lliwio/paentio yn lliwgar!

Dyma rai enghreifftiau i’ch helpu.

Mae gan Norwy wisg draddodiadol.

Mae pobl hefyd yn gwisgo gwisg draddodiadol i ddawnsio.

Gwyliwch y clip fideo o’r bobl yn dawnsio.
https://www.youtube.com/watch?v=VFfRPVTw3pI – dawnsio gwerin yn Norwy

Mae dawnsio gwerin yn boblogaidd yng Nghymru hefyd.

Mae llawer o ddawnsfeydd gwerin gwahanol fel Jac y Do a Ffansi Ffarmwr.

Mae gan eglwysi yn Norwy siâp arbennig.

Mae rhai eglwysi Norwyeg yng Nghymru hefyd.

Pan ddaeth pobl o Norwy i Gymru i weithio yn y diwydiant glo fe wnaethon nhw adeiladu eglwysi.

Roedden nhw’n mynd i’r eglwysi i addoli a chyfarfod ei gilydd.

Roedd awdur enwog yn addoli yn eglwys Norwyeg yng Nghaerdydd.

Ydych chi’n cofio ei enw? Ydych chi’n gallu enwi rhai o’r llyfrau ysgrifennodd?

Edrychwch ar y we i weld os ydych yn gwybod ble mae eglwysi Norwyeg yng Nghymru.

Ar fap o Gymru, labelwch yr eglwysi.

FJORD

Mae Norwy yn enwog am ‘fjord’.

Edrychwch ar dudalennau 10 ac 11 yn y llyfr.

Tynnwch lun fjord a llyn.

Sut mae’r ddau yn wahanol?