Gweithgareddau

Yn y stori dysgodd Min a Mei lawer o ffeithiau am India.
Ydych chi’n cofio beth welodd Min a Mei yn India?

Er enghraifft, edrychwch ar dudalen 12.

Ble mae Min a Mei? Beth welson nhw yno?

Rhestrwch ar lafar a/neu yn ysgrifenedig rai o’r pethau ddysgodd Min a Mei am India. Tynnwch luniau rhai o’r pethau a welson nhw.

Beth am ysgrifennu rhai brawddegau i helpu Min a Mei ddisgrifio India i’w ffrindiau?

Er enghraifft:
Prifddinas India ydy New Dehli.
Mae pobl yn siarad Hindi a Punjabi yn India.

Edrychwch ar dudalen 9.

Allwch chi ddweud Helo yn Hindi a Punjabi?

• Namaste! - Helo/Hwyl Fawr yn Hindi
• Jee - Diolch yn Hindi
• Ya - Ie yn Hindi
• Nahi - Na yn Hindi
• Sat Sri Akal! - Helo yn Punjabi

Cliciwch ar y dolenni hyn i glywed Hindi a Punjabi:

Hindi:
https://www.youtube.com/watch?v=dqte2ZBKbic
https://www.youtube.com/watch?v=f0RUWsEDLfc

Punjabi: Yr Wyddor yn Punjabi: https://www.youtube.com/watch?v=vDh06C26Jaw

Beth am gyfri o 1 i 10 yn Hindi?
https://www.mindurhindi.com/basic-words-and-phrases-in-hindi/hindi-numbers-1-10/

HER: Beth am greu ffeil o ffeithiau am India? Oes bwytai Indiaidd yn eich pentref/tref? Beth am roi cynnig ar siarad Hindi/Punjabi pan fyddwch mewn bwyty Indiaidd tro nesaf? Beth am roi cynnig ar ddarlunio'r Taj Mahal?

Roedd Min a Mei mewn bwyty Indiaidd.

Allwch chi helpu Min a Mei i ddewis bwyd o’r fwydlen?

Bwydlen Taj Mahal

Popadom = 30c
Onion Bhajee = 30c
Begun Baja = 40c
Sheek Kebab = 30c
Tandoori Chicken = 50c
Chicken Tikka = 50c
Prawn Biryani = 55c
Chappati = 15c
Coconut Pilau Rice = 15c

Beth ydy cyfanswm cost bwyd Mei?
Beth ydy cyfanswm cost bwyd Min?
Beth ydy cyfanswm cost bwyd Mei a Min gyda’i gilydd?
Pa ddarnau arian gall Min a Mei ddefnyddio i dalu am eu bwyd?

Cliciwch yma i lawrlwytho'r fwydlen:
Dewch i deithio - India - Bwydlen

HER: Beth am gyfri faint o newid fyddai Min a Mei yn ei gael os byddant yn talu am eu bwyd gyda gwahanol ddarnau o arian? Beth am greu bwydlen eich hun ar gyfer eich caffi yn y dosbarth? Ydych chi’n cofio beth ydy'r enw ar yr arian maen nhw’n ddefnyddio yn India?

Edrychwch ar dudalen 14.

Ble mae Min a Mei? Beth sy’n digwydd yno?

Beth am ddathlu Holi Hai yn yr ysgol? Cyn dathlu mae’n rhaid paratoi.

Gwnewch losin barfi gyda help oedolyn, gan ddilyn y cyfarwyddiadau hyn:

Cynhwysion:

• 400g siwgr eisin
• 6 llwy fwrdd llaeth tewychedig
• 5 llwy fwrdd cnau coco
• 2 liw bwyd gwahanol
• 6 cheiriosen wedi’u torri’n ddarnau bach
• Llond llaw o reisins
• Twb o felysion mân (‘hundreds and thousands’)

Gwneud:

1. Rhidyllwch y siwgr eisin i mewn i bowlen.
2. Cymysgwch y llaeth tewychedig â’r siwgr.
3. Cyfunwch hyd nes bod y cymysgedd fel hufen.
4. Ychwanegwch y cnau coco i’r cymysgedd. Os ydy’r cymysgedd yn rhy sych, ychwanegwch ychydig mwy o laeth.
5. Rhannwch y cymysgedd yn 2 ran a lliwiwch gyda lliw bwyd.
6. Ychwanegwch y ceirios a’r rhesins.
7. Gwasgwch y cymysgedd ar y bwrdd a thorrwch yn sgwariau ac yn gylchoedd.
8. Ysgeintiwch y cnau coco a’r melysion mân dros y siapiau.
9. Rhowch y losin barfi ar hambwrdd pobi a rhowch nhw yn yr oergell i galedu.
10. Mae’r losin yn barod i’w bwyta pan fyddant yn galed ac yn oer.

Nodyn i’r oedolyn: Mae’r losin hyn yn cael eu mwynhau adeg Holi. Ystyrir bod cnau coco’n gynhwysion arbennig am eu bod yn cael eu cysylltu â phuriad. Gofynnwch ynghylch alergeddau cnau cyn dechrau’r gweithgaredd hwn.

HER: Pa fwydydd ydych chi’n gogino, ei rannu a’i fwyta wrth ddathlu? Pam ydych chi’n bwyta’r bwyd?

Edrychwch ar dudalennau 14.

Ble mae Min a Mei? Beth sy’n digwydd yno?

Beth am chwarae gêm lliwiau Holi Hai?

Cyfarwyddiadau:

• Gwnewch fandiau lliw gan ddefnyddio rhuban neu bapur crêp i fynd dros yr ysgwydd ac i lawr i’r canol.
• Chwaraewch rhywfaint o gerddoriaeth Indiaidd.
• Bydd y disgyblion yn dewis band lliw neu’n defnyddio’r un maent wedi’i wneud a’i addurno.
• Pan fydd y ‘Galwr’ yn enwi lliw, mae’n rhaid i’r plant sy’n gwisgo’r lliw hwnnw stopio a rhewi, wrth i’r plant eraill barhau i redeg, sgipio, hopian neu fynd ar flaenau eu traed o gwmpas y lle.
• Parhewch hyd nes bod pob plentyn wedi rhewi.
• Gallai’r plant sydd wedi rhewi eistedd os dymunant.
• Gellir dilyn y gweithgaredd hwn trwy ymestyn i ddawns greadigol a gwisgo rhubanau lliw o gwmpas arddyrnau’r plant.

Cerddoriaeth Indiaidd:

Edrychwch ar dudalen 15.

Beth mae Min a Mei yn ei weld a’i glywed?

Cliciwch yma i glywed rhai o’r offerynnau: https://www.youtube.com/watch?v=1mYfs1kfNo4

Mae Ghazalaw yn ddathliad o’r canu Ghazal Indiaidd a’r traddodiad gwerin Cymreig. Mae’r canwr Tauseef Akhtar o Mumbai a’r gantores Gwyneth Glyn yn dod â'r ddau draddodiad ynghyd!

Gwyliwch y clip fideo i weld a chlywed Gwyneth a Tauseef yn canu un o'u caneuon:
(Moliannwn) https://youtu.be/1PXyS-Pn_SY

HERIAU: Crëwch gerddoriaeth Indiaidd. Gwrandewch ar ddetholiad o gerddoriaeth Indiaidd.
Rhowch gynnig ar ddawnsio Bollywood: Bollywood https://www.youtube.com/watch?v=3NomZw-KD34

Edrychwch ar dudalennau 13, 14 ac 15.

Beth ydych wedi ei ddysgu am y grefydd Hindwaeth yn y stori?

Gwyliwch clipIiau fideo o’r Hindwiaid yn dathlu Holi Hai.
Er enghraifft:
https://www.youtube.com/watch?v=AbFIkJ8KFZ8
https://www.youtube.com/watch?v=JOh98r9XiQc
https://www.youtube.com/watch?v=p4ookFsYoDg

Disgrifiwch i’ch partner sut mae’r Hindwiaid yn dathlu Gŵyl Holi.

Cofiwch ddefnyddio geiriau pwysig fel ‘mandir… duw Krishna… losin barfi…’

Beth am ddysgu mwy am Holi Hai?

Gwrandewch ar y stori yma:
https://www.youtube.com/watch?v=rsxzHsMjeII

Mae llawer o bobl yn dilyn crefyddau gwahanol yng Nghymru. Cristnogaeth ydy’r grefydd fwyaf poblogaidd. Beth am ddarganfod pa grefyddau sydd yn eich pentref/tref chi? Oes ganddyn nhw ddathliadau? Pam eu bod yn dathlu?

HERIAU
Crëwch fodel 3D o’r Mandir/Krishna, ayyb., e.e. modroc/clai

Yn yr awyr agored – arbrofwch gyda gwahanol liwiau, chwarae rôl gan daflu powdr lliw/chwsitrellu dŵr dros eich gilydd – ‘Gŵyl y Lliwiau’.

Dysgwch am wyliau eraill y grefydd Hindwaeth, e.e. Gwyl y Goleuni – Diwali – https://www.youtube.com/watch?v=e0n2zXeT2TI