Gweithgareddau
Edrychwch ar dudalen 6.
Roedd Min a Mei wrth eu bodd yn dysgu am chwedlau Gwlad Pwyl.
Beth am ail-ddarllen hanes Lena yn adrodd chwedl enwocaf Krakow.
Ar ôl darllen y chwedl, ewch ati i actio’r chwedl.
Bydd angen i chi benderfynu pwy fydd yn actio’r cymeriadau canlynol:
- draig Wawel
- marchogion
- crydd
- dafad
Cofiwch ddefnyddio propiau o’r ardal chwarae rôl neu’r ardal tu allan!
Edrychwch ar dudalen 15.
Dewch o hyd i beth yw ‘Helo’ a ‘Hwyl Fawr’ yn Pwyleg.
Allwch chi ddweud ‘Helo’ a ‘Hwyl Fawr’ yn Pwyleg?
Cliciwch ar y clip fideo yma i’ch helpu:
https://www.youtube.com/watch?v=rnXYW1RcLUg
Oes rhywun yn eich dosbarth sy’n gallu siarad Pwyleg? Gofynnwch iddyn nhw eich helpu chi.
HER: Mae llawer o chwedlau am ddreigiau yng Nghymru. Un chwedl enwog yw chwedl Dinas Emrys. Cliciwch yma i ddysgu mwy am y chwedl:
https://www.youtube.com/watch?v=8nr1f-Oytfs
Edrychwch ar dudalen 9.
Gwelodd Min a Mei rai bwydydd traddodiadol Pwyleg mewn marchnad yn Warsaw.
Pierogi oedd ffefryn Lena. Pa un yw eich fferfryn chi?
Beth am goginio pizza Pierogi!
Cofiwch fesur y cynhwysion yn ofalus.
Cynhwysion
- toes o’ch dewis chi
- 95g tatws stwnsh
- ¼ llwy de powdr nionyn
- ¼ llwy de powdr garlleg
- 100g caws Cheddar wedi’i gratio
- 400g caws Mozzarella
Dull:
- Cynheswch y ffwrn i 240°C.
- Pliciwch y tatws. Berwch y tatws. Stwnshwch y tatws gyda’r caws, powdr garlleg a nionyn.
- Siapwch does y pizza. Gorchuddiwch y toes gyda’r tatws stwnsh.
- Ychwanegwch gaws Mozzarella ac ychydig bach o gaws coch ar ben y cyfan.
- Coginiwch am 20 munud.
HER: Mae llawer o fwydydd Pwyleg i’w prynu mewn siopau yng Nghymru. Edrychwch ar y pecynnau bwyd. Mesurwch a phwyswch y bwyd.
https://vimeo.com/719624218/1f164239a4
Edrychwch ar dudalennau 16 ac 17.
Beth welodd Min a Mei yng nghartref Babcia Oskar?
Beth am roi cynnig ar wycinaki?
Gwyliwch y fideo i gael syniadau:
https://www.youtube.com/watch?v=TX_c7FEIVrc
Roedd Oskar hefyd yn addurno wyau er mwyn eu rhoi i ffrindiau adeg y Pasg.
Pisanki yw yr enw ar yr wyau Pasg sydd wedi’u haddurno.
Beth am roi cynnig ar wneud Pisanki?
Gwyliwch y fideo i gael syniadau:
https://www.youtube.com/watch?v=AMYBRHXvKL8
https://www.youtube.com/watch?v=rDTvaK_39jk
HER: Mae pobl yn rhoi wyau i’w gilydd yng Nghymru hefyd adeg y Pasg. Sut ydych chi’n dathlu’r Pasg? Ydych chi’n gwneud addurniadau a rhoi anrhegion i bobl?
Edrychwch ar dudalen 18.
Ble mae Min a Mei? Beth sy’n digwydd?
Mae diwrnod Smigus-Dyngus yn digwydd ar ddydd Llun y Pasg yng Ngwlad Pwyl.
https://www.youtube.com/watch?v=p0wnsTDYv38
Beth am ail-greu ‘Diwrnod Smigus-Dyngus’ yn yr ysgol?
Mwynhewch y ‘frwydr ddŵr’!
Edrychwch ar dudalen 19.
Gwelodd Min a Mei y bugeiliaid yn gwisgo’u gwisgoedd traddodiadol.
Mae pobl yn gwisgo’u gwisgoedd traddodiadol i ddawnsio hefyd.
Cliciwch yma i weld hyn:
https://www.youtube.com/watch?v=BXYKkb-SynM&list=RDBXYKkb-SynM&index=1
Rhowch gynnig ar ddysgu dawns draddodiadol Pwyleg!
HER: Mae rhai pobl yn gwisgo gwisgoedd traddodiadol yng Nghymru hefyd. Dewch o hyd i pryd mae hyn yn digwydd. Mae dawnsio gwerin yn boblogaidd yng Nghymru hefyd.
https://youtu.be/G5usxv4LKy0
Rhowch gynnig ar ddysgu’r ddawns.
Edrychwch ar dudalennau 12 ac 13.
Beth yw lliwiau baner Gwlad Pwyl? Ble mae Cymru ar y map?
Ydych chi’n gallu enwi’r gwledydd sydd yn ffinio gyda Gwlad Pwyl?
Dewch o hyd i enw prifddinas y gwledydd hyn. Defnyddiwch atlas neu glôb i’ch helpu.
Disgrifiwch i’ch ffrind ble mae Gwlad Pwyl ar y map.
Edrychwch ar dudalennau 11, 15 a 20.
Gwelodd Min a Mei lawer iawn o goedwigoedd, mynyddoedd a llynnoedd.
Beth mae pobl yn ei wneud ar fynyddoedd a llynnoedd Gwlad Pwyl?
https://www.youtube.com/watch?v=M4bcUroqbq8
Mae llawer o lynnoedd a mynyddoedd yng Nghymru. Ydych chi’n gallu enwi rhai?
Beth mae pobl yn ei wneud ar fynyddoedd a llynnoedd Cymru?
Edrychwch ar dudalen 4.
Ble mae Min a Mei?
Mae dros 500 o gestyll yng Ngwlad Pwyl. Mae llawer iawn o gestyll hefyd yng Nghymru.
Sawl castell ydych chi’n gallu ei enwi? Pa gastell sydd agosaf i’r ysgol?
Edrychwch ar dudalennau 10 ac 11.
Pam bod lluniau a cherfluniau o eryrod ymhobman yng Ngwlad Pwyl?
Rhowch gynnig ar ddisgrifio Gwlad Pwyl i ddosbarth arall yn yr ysgol, e.e. gwneud posteri, pamffledi, cyflwyniad digidol.
HER: Mae llawer iawn o bethau diddorol i’w gweld yng Nghymru. Beth am greu poster/taflen wybodaeth/ fideo i Min a Mei ei ddefnyddio i ddisgrifio Cymru wrth iddynt deithio o wlad i wlad?