Gweithgareddau
Roedd Min yn gallu siarad 3 iaith sef Cymraeg, Saesneg a Mandarin.
Sawl iaith allwch chi siarad?
Edrychwch ar dudalen 19.
Dewch o hyd i beth yw ‘Helo’ ac ‘Hwyl Fawr’ yn Mandarin.
Allwch chi ddweud ‘Helo’ ac ‘Hwyl Fawr’ yn Mandarin?
Cliciwch ar y clip fideo yma i’ch helpu:
https://vimeo.com/694935408/81b6043011
Beth am geisio cyfri o 1 i 5 yn Mandarin?
Cliciwch ar y ddolen i’ch helpu: https://www.youtube.com/watch?v=WoKI-FUQRGw
Edrychwch ar dudalennau 8 a 19.
Dewch o hyd i lythrennau Mandarin.
Edrychwch ar y calendr traddodiadol Tsieniaidd.
Pa flwyddyn gawsoch chi eich geni? Pa anifail sy’n cynrychioli’r flwyddyn cawsoch chi eich geni?
Tynnwch lun o’r anifail. Ysgrifennwch enw’r anifail yn Gymraeg a Mandarin.
Cymharwch eich gwaith gyda gwaith eich partner.
Er mwyn clywed sut i ddweud rhai o’r anifeiliaid yn Mandarin, cliciwch yma: https://www.youtube.com/watch?v=BuFWrgDVeis
HER: Ysgrifennwch misoedd y flwyddyn yn Gymraeg. Dewiswch anifail neu flodyn gwahanol ar gyfer pob mis.
Edrychwch ar dudalen 15.
Beth yw hyd Wal Fawr China?
Ydych chi wedi rhedeg milltir? Beth am roi cynnig arni? Pa mor bell fydd rhaid i chi redeg o gwmpas yr ysgol?
Edrychwch ar y clip fideo:
https://thedailymile.co.uk/type/video/
Defnyddiwch ffon fesur i fesur rhai gwrthrychau yn eich dosbarth.
Mesurwch hyd a lled y gwrthrychau. Cofiwch amcangyfrif y mesurau yn gyntaf!
HER: Afon Tywi yw afon hiraf Cymru. Mae’n 75 milltir o hyd (120 km). Dewch o hyd i ffeithiau diddorol am hyd afonydd, uchder mynyddoedd ac adeiladau yn eich ardal leol, yng Nghymru ac yn y byd. Cofnodwch eich ffeithiau mewn tabl. Rhannwch eich ffeithiau gyda gweddill y grŵp/dosbarth.
Edrychwch ar dudalen 8.
Dewch o hyd i ba anifail sydd yn cynrychioli blwyddyn Newydd China eleni.
Roedd Mei wedi cael gwahoddiad i ddathlu Blwyddyn Newydd China yng nghartref Min. Mae llawer o bobl o gwmpas y byd yn hoffi dathlu Blwyddyn Newydd China.
Cliciwch ar y clip fideo yma i weld sut mae pobl yn dathlu Blwyddyn Newydd China:
https://youtu.be/sDHJhfkQHEI
Beth am ddathlu Blwyddyn Newydd China yn yr ysgol? Ewch ati i wneud rhai o’r addurniadau yma:
Creu pyped draig Tseiniaidd
- Peintio 2 ddarn o bren
- Clymu llinyn rhwng y 2 bren a chlymu darnau byr o rubanau lliw ar hyd y llinyn
- Ychwanegu wyneb i un ochr ac mae gennych ddraig sy’n dawnsio!
Coginio nŵdls a rhoi cynnig ar eu bwyta nhw gyda gweill bwyta (chopsticks)!
Gwneud lampau papur coch! https://www.youtube.com/watch?v=CeZKYGmuZn0
Creu cerdyn i ddathlu Blwyddyn Newydd China
Gwneud amlenni coch a’u haddurno
HER: Mwynhewch ddathlu Blwyddyn Newydd China yn yr ysgol! Beth am greu draig enfawr a dysgu’r ddawns? Rhowch gynnig ar esbonio i’r ysgol gyfan sut mae dathlu Blwyddyn Newydd China.
Edrychwch ar dudalennau 13 ac 16.
Beth sy’n digwydd? Beth mae’r plant yn ei wneud?
Mae llawer o bobl a phlant o gwmpas y byd yn hoffi gwneud Tai Chi.
Cliciwch ar y clip fideo yma i weld sut mae dysgu Tai Chi:
https://www.youtube.com/watch?v=lZL4GksXrOg
Dysgwch ychydig o symudiadau Tai Chi.
Sut oeddech chi’n teimlo ar ôl gwneud Tai Chi? Pam?
Edrychwch ar dudalen 16.
Beth ydy enw’r gêm sy’n cael ei chwarae yno?
Cliciwch ar y clip fideo i ddysgu sut mae chwarae’r gêm.
https://www.youtube.com/watch?v=tRCb_LOkEmQ
HER: Beth am ddysgu rhai symudiadau Tai Chi i ffrind neu aelod o’ch teulu? Oes gwersi Tai Chi i’w cael yn eich ardal leol?
Disgrifiwch i’ch partner beth rydych chi’n ei weld
Cliciwch ar y fideo i weld sut mae diwrnod ysgol yn China.
https://youtu.be/iDwWGjExVak
Sut mae bywyd mewn ysgol yn China yn debyg ac yn wahanol i ysgol yng Nghymru?
Mae llawer o bethau o'n cwmpas yn cael eu gwneud yn China. Maen nhw ar werth yng Nghymru hefyd. Ceisiwch ddod o hyd i bethau sydd wedi cael eu gwneud yn China yn yr ysgol ac yn eich cartref.
HER: Mae anifeiliaid prin yn byw yn China, er enghraifft y panda. Beth am ddarganfod mwy am y panda a pham ei fod mor brin? Ydych chi’n gallu gwneud rhywbeth i ofalu amdano?